ដោយៈសិរីមតី
ភ្នំពេញ៖មន្ទីរពេទ្យ រ៉ូយ៉ាល់ ភ្នំពេញ កាលពីថ្ងៃទី២ខែធ្នូ ឆ្នាំ២០២៣ បានប្រារព្ធខួប៩ឆ្នាំនៃការដំណើរការរបស់ខ្លួននៅព្រះរាជាណាចក្រកម្ពុជា នាសណ្ឋាគារហ្គាឌិន ស៊ីតធី រាជធានីភ្នំពេញ។
លោកវេជ្ជបណ្ឌិត នីវ៉ាត់ អិនថារ៉ាវិឈាន (NIWAT INTARAWICHIAN) អគ្គនាយកមន្ទីរពេទ្យរ៉ូយ៉ាល់ភ្នំពេញបានថ្លែងថា៖អស់រយៈពេល ៩ឆ្នាំមកហើយដែលមន្ទីរពេទ្យ រ៉ូយ៉ាល់ ភ្នំពេញ បានមើលថែសុខាភាពប្រជាជនកម្ពុជារាប់លាននាក់ និងផ្ដល់សេវាថែទាំសុខភាពលំដាប់ពិភពលោក ព្រមទាំងវេជ្ជសាស្ដ្រដ៏ល្អបំផុត ដូចគ្នាទៅនឹងមន្ទីរពេទ្យ បាងកក ប្រទេសថៃ។ មន្ទីរពេទ្យ រ៉ូយ៉ាល់ ភ្នំពេញ ជាសមាជិកនៃ Bangkok Dusit Medical Services (BDMS) ដែលជាបណ្ដាញមន្ទីរពេទ្យក៏មានកិត្យានុភាពបំផុតមួយនៅប្រទេសថៃ និងក្នុងតំបន់អាស៊ីប៉ាស៊ី ។
មន្ទីរពេទ្យ រ៉ូយ៉ាល់ ភ្នំពេញទទួលបានការគាំទ្រពីស្រទាប់មហាជនក្នុងស្រុក និងភ្ញៀវទេសចរគ្រប់ជាតិសាសន៍ ដែលមានវត្តមានក្នុងព្រះរាជាណាចក្រកម្ពុជាតែងតែនឹកគិតនិងស្វែងរកដើម្បីពិគ្រោះ ពិភាក្សា និងព្យាបាលដោយទំនុកចិត្ត ដោយមិនចាំបាច់ទៅព្យាបាលនៅក្រៅស្រុកនោះឡើយ។ មិនត្រឹមតែប៉ុណ្ណោះ មន្ទីរពេទ្យ រ៉ូយ៉ាល់ ភ្នំពេញជាមន្ទីរពេទ្យក្នុងស្រុកដំបូងគេ ដែលត្រូវបានទទួលស្គាល់ដោយ JCI បីដងជាប់ៗគ្នាតាំងពីឆ្នាំ ២០១៧ មក។
មន្ទីរពេទ្យ រ៉ូយ៉ាល់ ភ្នំពេញជាមន្ទីរពេទ្យដែលមានស្តង់ដារស្របតាមមាត្រាដ្ឋានអន្ដរជាតិ មានក្រុមគ្រូពេទ្យពោរពេញដោយជំនាញច្បាស់លាស់ ឧបករណ៍ទំនើប គោរពនូវគោលការណ៍សុវត្ថិភាពនិងឯកជនភាពខ្ពស់របស់អ្នកជំងឺ ហើយធ្វើការយ៉ាងស្អិតរមួតជាមួយដៃគូធានារ៉ាប់រងដល់ទៅជាង ១០០ ទូទាំងប្រទេស។ ត្បិតតែយើងធ្វើបានយ៉ាងល្អក៏ពិតមែន អំឡុងពេល ៩ ឆ្នាំមកនេះ ប៉ុន្ដែវាមិនទាន់គ្រប់គ្រាន់នោះទេសម្រាប់យើង យើងខ្ញុំនៅតែបន្ដខិតខំប្រឹងប្រែងលើគុណភាពសេវាកម្មរបស់យើង ឲ្យស្របតាមគោលការណ៍ 5G របស់មន្ទីរពេទ្យ រ៉ូយ៉ាល់ ភ្នំពេញនោះគឺ៖ វេជ្ជបណ្ឌិតល្អ(Good Doctor),គិលានុបដ្ឋាកល្អ(Good Nurse), បដិសណ្ឋារកិច្ចល្អ (Good Hospitality), បច្ចេកវិទ្យាល្អ(Good Technology)និង បច្ចេកវិទ្យាពត៌មានល្អ(Good IT )ដើម្បីនៅបន្ដជាមន្ទីរពេទ្យវ័យឆ្លាត( Smart Hospital)ដែលជាដៃគូដ៏ទុកចិត្តរបស់អ្នកជំងឺគ្រប់រូប។
លោកវេជ្ជបណ្ឌិត នីវ៉ាត់ បានឱ្យដឹងទៀតថា៖មន្ទីរពេទ្យ រ៉ូយ៉ាល់ ភ្នំពេញ មានក្រុមគ្រូពេទ្យជំនាញ និងសហការគ្នាខ្ពស់ជាមួយវេជ្ជបណ្ឌិតពីមន្ទីរពេទ្យបាងកកធានានូវជំនាញក្នុងការវះកាត់ទូទៅការវះកាត់ខួរក្បាលការវះកាត់ឆ្អឹងខ្នង ការវះកាត់បេះដូង ការវះកាត់ត្រគៀកនិងជង្គង់ការវះកាត់ទំនើបដែលបន្សល់នូវស្លាកស្នាមតូច។អ្នកជំងឺនឹងមានការជាសះស្បើយឆាប់រហ័ស។សេវាកម្មសង្គ្រោះបន្ទាន់របស់យើងត្រៀមខ្លួនរួចជាស្រេចដើម្បីផ្ដល់ការសង្គ្រោះនិងថែទាំអាយុជីវិតដល់អ្នកជំងឺ។ មន្ទីរពេទ្យ រ៉ូយ៉ាល់ ភ្នំពេញ ជាមន្ទីរពេទ្យតែមួយគត់ដែលផ្ដល់ការព្យាបាលលំដាប់ពិភពលោកនៅរាជធានីភ្នំពេញ។
លោកវេជ្ជបណ្ឌិត ណារីនតារ៉ា ប៊ូនចុងចារើន( Narintara Boonjongcharoen)នាយកប្រតិបត្តិក្រុមទី៦នៃ BDMS បានថ្លែងថា៖ក្រុម BDMS មានមោទនភាពដែលជិត២០ ឆ្នាំមកមកនេះ BDMS Group Thailand បានបង្កើតនិងដំណើរការ មន្ទីរពេទ្យរ៉ូយ៉ាល់រតនៈ នៅខេត្តសៀមរាប និងបន្ទាប់មកមន្ទីរពេទ្យ Royal Phnom Penh នៅភ្នំពេញ ក្រោមការជួយជ្រោមជ្រែងពីរាជរដ្ឋាភិបាលកម្ពុជា។ មន្ទីរពេទ្យរ៉ូយ៉ាល់ភ្នំពេញ បានទទួលការជឿទុកចិត្ត និងការគាំទ្រយ៉ាងសម្បើមពីប្រជាជនកម្ពុជា ជនបរទេស និងទេសចរជំនួយអន្តរជាតិ និងក្រុមហ៊ុនធានារ៉ាប់រងអន្តរជាតិ ស្វែងរកការព្យាបាលប្រកបដោយគុណភាពខ្ពស់ និងស្តង់ដារអន្តរជាតិនៅក្នុងព្រះរាជាណាចក្រកម្ពុជា។
លោកវេជ្ជបណ្ឌិត បានមានប្រសាសន៍ឱ្យដឹងថា៖មន្ទីរពេទ្យ បានពង្រីកសមត្ថភាពបន្ថែមទៀត ដោយទទួលបានឧបករណ៍វេជ្ជសាស្ត្រកម្រិតខ្ពស់បន្ថែម ឧទាហរណ៍ យើងនឹងមាន 3 tesla MRI កម្រិតខ្ពស់ក្នុងត្រីមាសទី ១ ឆ្នាំ ២០២៤។ យើងនឹងមានអ្នកឯកទេសផ្នែកវះកាត់តូចបំផុត អ្នកឯកទេសបេះដូងថ្មី អ្នកឯកទេសត្រគាក និងជង្គង់ អ្នកឯកទេសខួរក្បាល និងឆ្អឹងខ្នង និងអនុឯកទេសជាច្រើនសម្រាប់តម្រូវការរបស់អ្នកជំងឺរបស់យើង។
ជាទីមោទនៈ មន្ទីរពេទ្យទទួលបានភាពខុសប្លែកគួរឱ្យកត់សម្គាល់ជាមន្ទីរពេទ្យដំបូង និងតែមួយគត់ក្នុងព្រះរាជាណាចក្រកម្ពុជា ដែលបានទទួលការទទួលស្គាល់ពីគណៈកម្មការអន្តរជាតិ JCI ដ៏មានកិត្យានុភាព ដោយសម្រេចបាននូវការទទួលស្គាល់ដ៏ល្អឥតខ្ចោះលើគុណភាព និងសុវត្ថិភាពអ្នកជំងឺនេះ បីដងជាប់គ្នាក្នុងឆ្នាំ ២០១៧, ២០២០ និងថ្មីៗនេះក្នុងខែវិច្ឆិកា ឆ្នាំ ២០២៣។
មន្ទីរពេទ្យរ៉ូយ៉ាល់ភ្នំពេញគឺជាផ្នែកមួយនៃBDMSដែលជាអ្នកផ្តល់សេវាថែទាំសុខភាពឯកជនដ៏ធំបំផុតនៅក្នុងប្រទេសថៃ និងជាក្រុមមន្ទីរពេទ្យឈានមុខគេមួយនៅអាស៊ីប៉ាស៊ីហ្វិក ។បច្ចុប្បន្នក្រុម BDMS មានមន្ទីរពេទ្យចំនួន ៥៧ និងក្រុមហ៊ុនមិនមែនមន្ទីរពេទ្យចំនួន ៧ នៅក្នុងបណ្តាញរបស់យើង ដែលរួមមានរួមមានមន្ទីរពេទ្យបាងកក,មន្ទីរពេទ្យព្យាថៃ( Phyathai Paolo),Samitevej និង មន្ទីរពេទ្យ BNH ។
ឯកឧត្ដម ស៊ិក ប៊ុណ្ណា រដ្ឋលេខាធិការ តំណាងឯកឧត្ដមសាស្ត្រាចារ្យវេជ្ជបណ្ឌិត ឈាង រ៉ា រដ្ឋមន្ត្រីក្រសួងសុខាភិបាលបានមានប្រសាសន៍ថា៖រាជរដ្ឋាភិបាលជាពិសេស ក្រសួងសុខាភិបាល បានកសាងភាពជាដៃគូរឹងម៉ាំរវាងវិស័យសុខាភិបាលសាធារណៈនិងឯកជន ប្រកបដោយភាពជឿជាក់ដើម្បីធ្វើឱ្យសុខភាពប្រជាជននិងការអភិវឌ្ឍសង្គមសេដ្ឋកិច្ចកម្ពុជាកាន់តែល្អប្រសើរ។
ឯកឧត្ដមរដ្ឋលេខាធិការ បានបញ្ជាក់ថា៖ រាជរដ្ឋាភិបាលកម្ពុជា យកចិត្តទុកដាក់ ផ្តល់អាទិភាព និងលើកកម្ពស់វិស័យសេវាសុខាភិបាល ដែលក្នុងនោះរួមមានការលើកកម្ពស់សុខភាព និងសុខមាលភាពរបស់ប្រជាពលរដ្ឋ ដែលជាគោលដៅយុទ្ធសាស្ត្រកាត់បន្ថយការឈឺ សុខភាពបន្តពូជ សុខភាពមាតា និងទារកព្រមទាំងពង្រឹងគុណភាព សមត្ថភាពជំនាញ និងសេវាកម្មវេជ្ជសាស្ត្រ៕